„რუსთავი 2"-ის გენერალურ დირექტორზე განხორციელებული თავდასხმის ფაქტზე დაკავებულ რატი გაჩეჩილაძეს სასამართლომ გირაოს სახით 5 000 ლარი შეუფარდა.

გადაწყვეტილება საქალაქო სასამართლოში რამდენიმე წუთის წინათ გამოაცხადეს. მოსამართლე გიორგი კერატიშვილის გადაწყვეტილებით, ბრალდებულს გირაო პატიმრობის უზრუნველყოფის გარეშე შეეფარდა და რატი გაჩეჩილაძე სასამართლო დარბაზიდან გათავისუფლდა. მას მედიასთან კომენტარი არ გაუკეთებია. 

დაცვის მხარე ბრალდებულის აღკვეთის ღონისძიების გარეშე დატოვებას ითხოვდა, უკიდურეს შემთხვევაში კი გირაო სახით 1000 ლარის გამოყენებაზე საუბრობდა. აღმკვეთ ღონისძიებად, პატიმრობის უზრუნველყოფით 5 000-ლარიანი გირაოს შეფარდებას გაჩეჩილაძისთვის პროკურატურა ითხოვდა.