დღეს, დღის 3 საათზე, გიგა ბოკერია და მისი დაჯგუფება „ერთიან ნაციონალურ მოძრაობში“, პარტიის ერთიანობის რღვევის შესახებ ოფიციალურ განცხადებას გააკეთებს და იმ მიზეზებს განმარტავს, თუ რატომ ხდება „ნაციონალური მოძრაობის“ გაყოფა. როგორც გიგი წერეთელმა ჟურნალისტებთან საუბრისას აღნიშნა, „ამას სჭირდება ახსნა, რატომ და რა ხდება, რატომ იყოფა ნაციონალური მოძრაობა და შესაბამისად, ეს განცხადება გაკეთდება“.

„რა თქმა უნდა ეს არის ძალიან მნიშვნელოვანი ნაწილი პარტიისა, ლიდერებისა, ამიტომ პოლიტიკური ბრძოლა გაგრძელდება, პოლიტიკური აქტივობა გაგრძელდება და ნებისმიერ ადამიანს ამ მოძრაობაში უნდა ესმოდეს, რომ მთავარი საფუძველი ჩვენი არის ის, რომ ჩვენ ვართ ოპოზიცია ხელისუფლებასთან და არა ერთმანეთთან. ამას სჭირდება ახსნა, რატომ და რა ხდება, რატომ იყოფა ნაციონალური მოძრაობა და შესაბამისად, ეს განცხადება გაკეთდება სწორედ ამ თემასთან დაკავშირებით“, - განაცხადა გიგი წერეთელმა.