პრეზიდენტმა ბარაქ ობამამ ემოციური და გაკვირვებული ჯო ბაიდენი თავისუფლების საპრეზიდენტო მედლით დააჯილდოვა, რაც შეერთებული შტატების უმაღლესი სამოქალაქო ჯილდოა. ამის შესახებ BBC წერს.

ობამამ ვიცე-პრეზიდენტი ბაიდენი მისი „ამერიკელი თანამემამულეებისადმი რწმენის, ქვეყნის სიყვარულისა და მისი მთელი სიცოცხლის განმავლობაში გაწეული სამსახურისთვის“ შეაქო.

ბაიდენმა განაცხადა, რომ აპირებს დარჩეს აქტიური „დემოკრატიული პარტიის“ პოლიტიკაში.

„საუკეთესო შესაძლო არჩევანი, არა მარტო ჩემთვის, არამედ ამერიკელი ხალხისთვის“, - ასე შეაფასა ბაიდენი ობამამ. (ვიდეოში, ობამას მიერ ბაიდენის დაჯილდოვების შესახებ განცხადება და ბაიდენის რეაქცია იხილეთ მე-13 წუთიდან)

the New York Times-ის თანახმად, ღირსების მედალი მინიჭებულ იქნა განსაკუთრებული ღვაწლისათვის. ეს დამატებითი პატივისცემა ბოლო ადმინისტრაციების მხრიდან მცირეთაგანს ერგო - პრეზიდენტ რონალდ რეიგანს, სახელმწიფო მდივანს, გენერალ კოლინ პაუელს და რომის პაპს, იოანე პავლე მე-2-ს.

ობამამ იხუმრა, რომ ინტერნეტს ბოლო შესაძლებლობა ექნება გაამასხარავოს წყვილის „ბრომანსი“ (ახლო, მაგრამ არა სექსუალური ურთიერთობა ორ მამაკაცს შორს).

ბაიდენმა განაცხადა, რომ იგი იყო „ნაწილი ჩინებულ ადამიანთან მოგზაურობისა, რომელმაც ჩინებული რაღაცები გააკეთა“.

მან თქვა, რომ წარმოდგენა არ გააჩნდა, რომ მისი დაჯილდოვება მოხდებოდა.

„მცირედი ეჭვიც კი არ გამაჩნდა. მე ვფიქრობდი, რომ მიშელი, ჯილი და რამდენიმე მაღალი რანგის თანამშრომელი იმისთვის მოვდიოდით, რომ თითო ჭიქა აგვეწია და ერთმანეთი გვედღეგრძელებინა და გვეთქვა რა საოცარი გამგზავრებაა.

„ბატონო პრეზიდენტო, დავალებული ვარ თქვენგან. დავალებული ვარ თქვენთან მეგობრობით. მოვალე ვარ თქვენი ოჯახის“.

ბაიდენმა განაცხადა, რომ გეგმავს იმუშაოს პოლიტიკის საკითხებზე დელავერის და პენსილვანიის უნივერსიტეტებში და განაგრძოს მისი ძალისხმევა კიბოსთან ბრძოლის წინააღმდეგ, რამაც 2015 წელს მისი ვაჟის სიცოცხლე შეიწირა.