„ერთიანი ნაციონალური მოძრაობის" წევრებმა კიევში საქართველოს ყოფილ პრეზიდენტთან, მიხეილ სააკაშვილთან შეხვედრა გამართეს. შეხვედრის ამსახველ ფოტოს პარტიის წევრები სოციალურ ქსელში აქვეყნებენ.
თანაპარტიელებთან ერთად, შეხვედრას ესწრებოდა აზერ სულეიმანოვიც, რომლის პოზიციაც პარტიაში დარჩენასთან დაკავშირებით დღეს გახდა ცნობილი.
"საზოგადოებრივი ინტერესიდან გამომდინარე მინდა განვაცხადო, რომ ვიყავი და ვარ ნაციონალური მოძრაობოს წევრი.
ვაგრძელებ პარლამენტში საქმიანობას ამ ფრაქციის რიგებში უკეთესი საქართველოსათვის", - აღნიშნულია განცხადებაში, რომელიც სულეიმანოვმა ფეისბუქის საკუთარ გვერდზე გამოაქვეყნა.
ე.წ. უგულავა-ბოკერიას ფრთის მიერ „ნაციონალური მოძრაობის" დატოვების შემდეგ, მიხეილ სააკაშვილმა განაცხადა, რომ ეს „ლუზერების მმართველობის" დასასრული იყო.
მისი თქმით, “განდგომილების” რაოდენობა ყველამ ნახა, ხოლო ნაციონალური მოძრაობის მრავალრიცხოვანებასა და ძალაში ყველა დარწმუნდება 20 იანვრის ყრილობაზე".
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.