ამერიკელი ასტრონავტი ჯინ სერნანი - ბოლო მამაკაცი, რომელმაც მთვარეზე დადგა ფეხი - 82 წლის ასაკში გარდაიცვალა. ამერიკულმა კოსმოსურმა სააგენტო „ნასამ“ განაცხადა, რომ ის „დამწუხრებულია გადამდგარი კოსმონავტის დანაკარგით“.

როგორც BBC იუწყება, კაპიტანი სერნანი იმ სამ ადამიანს შორის იყო, რომელიც მთვარეზე ორჯერ ავიდა და გახლდათ ბოლო მამაკაცი, რომელმაც 1972 წელს ფეხის ნაკვალევი დატოვა მთვარის ზედაპირზე.

იმ დროს იგი „აპოლო 17“ -ის მისიის ხელმძღვანელი იყო. 12-მა ადამიანმა გაიარა მთვარეზე და დღეს, მხოლოდ 6 მათგანია ცოცხალი.

განცხადებაში, სერნანის ოჯახმა თქვა, რომ იგი ორშაბათს გარდაიცვალა ჯანმრთელობის მიმდინარე საკითხების შემდეგ. ოჯახს სხვა დეტალები არ უხსენებია.

„ჩვენი ოჯახი გულგატეხილია.

„82 წლის ასაკის მიუხედავად, ჯინი მგზნებარე იყო გაეზიარებინა მისი სურვილი, ენახა ადამიანის მიერ კოსმოსის შემდგომი კვლევა და ამხნევებდა ჩვენი სახელმწიფოს ლიდერებს და ახალგაზრდობას არ დაერთოთ მისთვის ნება დარჩენილიყო ბოლო მამაკაცად, რომელმაც მთვარეზე გაიარა“.

„აპოლო 17“ -ის მისიამდე, სერნანმა კოსმოსში ორჯერ იმოგზაურა - 1966 და 1969 წლებში.

იგი 1976 წელს გადადგა და კერძო ბიზნესში წავიდა და შეერთებული შტატების სატელევიზიო სივრცეში შეჰქონდა წვლილი სხვადასხვა საკითხზე.

იგი 1934 წელს ჩიკაგოში დაიბადა და მისი სრული სახელი და გვარია იუჯინ ანდრიუ სერნანი.

მას მეუღლე, ჯენ ნანა სერნანი, ქალიშვილი, ორი გერი ქალიშვილი და 9 შვილიშვილი დარჩა.

მისმა ოჯახმა განაცხადა, რომ სერნანის დასაფლავების დეტალებს მოგვიანებით გამოაცხადებს.