დიდი ბრიტანეთის მთავრობის მცდელობები თავიდან აეცილებინა სასამართლოში მის წინააღმდეგ ჩივილი 2004 წელს ლიბიელი წარმომავლობის მამაკაცისა და მის ცოლის მოტაცებასთან დაკავშირებით, რომელიც ორგანიზებული იყო იმ დროს, როდესაც ჯეკ სტრო გახლდათ ქვეყნის საგარეო მდივანი, უარყოფილი იქნა უზენაესი სასამართლოს მიერ.

როგორც ბრიტანული „გარდიანი“ წერს, 7 მოსამართლის ერთსულოვანი დასკვნის მიხედვით, აბდელ ჰაკიმ ბელჰაჯის გადაცემამ სხვა სახელმწიფოსთვის და წამებამ დაარღვია „მაგნა კარტა“ (Magna Carta - თავისუფლების დიდი ქარტია).

„გარდიანის“ ცნობით, აღნიშნულმა გადაწყვეტილებამ შესაძლოა გავლენა იქონიოს სხვა ასეულობით მომჩივანის პერსპექტივებზე, რომლებიც თავდაცვის სამინისტროს წინააღმდეგ მოქმედებენ. ყველა ეს საქმე, მათ შორის ბელჰაჯის, ახლა განსახილველად უკან უნდა დაუბრუნდეს უმაღლეს სასამართლოს.

უზენაეს სასამართლოში ბელჰაჯის საქმეზე მთავრობის საჩივარზე უარის თქმით, ლორდმა მენსმა განაცხადა, რომ წამების გამოყენება „დიდი ხანია მიჩნეულია შეუთავსებლად ინგლისის კანონის მიხედვით“, და ინდივიდები პატიმრობისას დაცული უნდა იყვნენ ცუდი ფიზიკური მოპყრობისაგან, - წერს „გარდიანი“.

ბრიტანული სამაუწყებლო კორპორაციის (BBC) ცნობით, ბელჰაჯიმ, ლიბიის ყოფილი ლიდერის, მუამარ კადაფის წინააღმდეგ აჯანყების ერთ-ერთმა ლიდერმა, განაცხადა, რომ იგი მოიტაცეს - მის ორსულ მეუღლესთან, ფატიმა ბოუდჩართან ერთად მაშინ, როცა იგი აპირებდა ლონდონში გაფრენას, თავშესაფრის თხოვნით.

ლიბიაში დაბრუნების შემდეგ, მან ციხეში 6 წელი გაატარა, მისი ცოლი კი შვილის გაჩენამდე ცოტა ხნით ადრე გაათავისუფლეს პატიმრობიდან.

ჯეკ სტროს გავრცელებულ განცხადებაში ნათქვამია: „როგორც საგარეო მდივანი, მე ყოველთვის ვმოქმედებდი მეთოდით, რომელიც სრულად იყო შესაბამისობაში ჩემ კანონიერ მოვალეობებთან, ეროვნულ და საერთაშორისო კანონთან.

„მე არასოდეს ვყოფილვარ თანამონაწილე დამნაშავის სხვა სახელმწიფოსთვის არაკანონიერ გადაცემასა თუ სხვა სახელმწიფოთა მიერ ვინმეს დაპატიმრებაში“.