დღეიდან თბილისის მთავრობა ახალი შემადგენლობით იმუშავებს, – ამის შესახებ თბილისის მერიაში დღეს გამართულ მთავრობის სხდომაზე დედაქალაქის მერმა დავით ნარმანიამ განაცხადა. დავით ნარმანიამ თბილისის მთავრობის ახალ წევრებს წარმატებებს უსურვებს. მერის თქმით, ახლა არის ეტაპი, როცა პრობლემების უდიდესი ნაწილი დაძლეულია და განვითარებისაკენ სვლის ეტაპი დადგა.
“ახალ წევრებს ვუსურვებ წარმატებებს მეტი აქტიური მუშაობისთვის, რათა უკეთესი შედეგი გვქონდეს. აქამდე ჩვენ მუშაობა გვიწევდა ორ ფრონტზე. ერთი არის ის უამრავი პრობლემა, რომელიც მერიაში დაგვხვდა და, მეორე მხრივ, მერიის განვითარებაზე. ახლა არის ეტაპი, როცა პრობლემების უდიდესი ნაწილი დაძლეულია და უფრო განვითარებისაკენ სვლის ეტაპი დადგა. ამიტომ, ერთობლივი ძალისხმევით, ტემპში უნდა ვიმუშაოთ და დავდოთ ის შედეგი, რასაც საზოგადოება ჩვენგან ელოდება”, – აღნიშნა დავით ნარმანიამ.
გუშინ თბილისის საკრებულომ სხდომაზე მთავრობის 5 ახალი წევრი დაამტკიცა. კერძოდ, თბილისის პირველი ვიცე-მერი დიმიტრი ქუმსიშვილი გახდა, მერის მოადგილე – ირაკლი ლექვინაძე, ტრანსპორტის საქალაქო სამსახურის უფროსი – გიორგი გურგენიძე, მერიის ადმინისტრაციის უფროსი – პაატა ჯაჭვლიანი და ვაკის რაიონის გამგებელი – ლაშა აბაშიძე. მთავრობის ახალი წევრები დღეს თბილისის მთავრობის სხდომას დაესწრნენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.