II ქვეითი ბრიგადის 23-ე ბატალიონის სამხედრო მოსამსახურეები ავღანეთში გადასროლის წინა მომზადების დასკვნით სწავლებებს გადიან. თავდაცვის უწყების ცნობით, ალგეთის საწვრთნელ პოლიგონზე ბატალიონის ერთმა ასეულმა ჩხრეკა კორდონის ოპერაცია განახორციელა. საველე სწავლებაში 120-მდე ქართველი და ამერიკელი სამხედრო მოსამსახურე მონაწილეობდა.
უწყების ინფორმაცით, საველე წვრთნის დროს 23-ე ბატალიონის სამხერდრო მოსამსახურეები პირობითი სცენარის მიხედვით მოქმედებდნენ. სასწავლო ამოცანების შესრულებისას სამხედრო მოსამსახურეებმა სხვადასხვა კალიბრის შეიარაღება და ამერიკული სამხედრო მანქანები გამოიყენეს. სწავლება წინასწარ განსაზღვრული ობიექტის ჩხრეკისა და კორდონის ოპერაციებს მოიცავდა. სწავლების დროს განხორციელდა შემდეგი ამოცანები: კონტაქტზე რეაგირება, დაშავებულთა ევაკუაცია, საინჟინრო, მოტორიზებული და ქვეითი პატრული და ასე შემდეგ.
გადასროლის წინა მომზადების მიმდინარეობას ქართველი და აშშ საზღვაო ქვეითთა კორპუსის ინსტრუქტორები აკვირდებოდნენ.
23-ე ბატალიონი საქართველოში მომზადების დასრულების შემდეგ გერმანიაში გაემგზავრება სადაც საბოლოო შეფასებას გაივლის. ქვედანაყოფი ავღანეთში ბაგრამის საავიაციო ბაზისა და ძალთა უსაფრთხოების დაცვის ამოცანებს შეასრულებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.