აჭარის მთავრობის თავმჯდომარის მეუღლე და ასოციაცია „ერთმანეთისთვის“ ხელმძღვანელი სოფიო ბაკურიძე ქობულეთის გამგეობის ჯანდაცვისა და სოციალური სამსახურის უფროსთან ერთად, ხანდაზმულთა რესურსცენტრის მესვეურებს შეხვდა, ნინოობა მიულოცა და სამახსოვრო საჩუქრები გადასცა.

ქობულეთის გამგეობის ცნობით, შეხვედრაზე არასამთვრობო ორგანიზაცია „ღირსეული სიბერის“ ხელმძღვანელმა, ნანა კალანდაძემ სტუმრებს ასოციაციის საქმიანობა და მათ მიერ განხორციელებულ პროექტები გააცნო. ასოციაციის წევრებმა ორგანიზაციის მნიშვნელობასა და მათ შემოქმედებით საქმიანობაზე ისაუბრეს.

სოფიო ბაკურიძემ ასოციაციას მხარდაჭერა გამოუცხადა და შესაძლებლობის ფარგლებში დახმარებას დაჰპირდა.

გამგეობის ინფორმაციით, ხანზმულ ქალთა ასოციაცია 2009 წლიდან ფუნქციონირებს და 500-მდე ბენეფიციარი არის გაწევრიანებული. ასოციაციის მისიაა ხანდაზმულ ქალთა სრულფასოვანი და ღირსეული ცხოვრების უზრუნველყოფის ხელშეწყობა მათი უფლებების დაცვის, ფსიქო-სოციალური მხარდაჭერის, ხანდაზმულთა რესურსების მაქსიმალური გამოყენების და საზოგადოებაში ინტეგრაციის გზით.