ქართველი ვიცე პოლკოვნიკი პატიმრობიდან გათავისუფლებული გიორგი ცერცვაძე უკრაინის სახალხო დამცველს, ვალერია ლუტკოვსკას შეხვდა.
შეხვედრას უკრაინაში საქართველოს საგანგებო და სრულუფლებიანი ელჩი მიხეილ უკლება, საქართველოს კონსული ნანა ჩაბრავა, ცერცვაძის მეუღლე და ადვოკატი ესწრებოდნენ.
„სახალხო დამცველს აინტერესებდა რა პირობებში ვიყავი, რა პირობები იყო იზოლატორში, ლაპარაკი იყო იმაზე, რომ ჩვენ ბოლომდე მონიტორინგს გავუწევთ საქმეს და აგვიხსნა მექანიზმები, რა პირობებშია შესაძლებელი დაიხუროს საქმე და რუსეთის ფედერაციის სავარაუდო მოქმედება. შეიძლება შეწყდეს გადაცემა და უარი ეთქვას, თუ პიროვნებას ემუქრება წამება ან შეიძლება სიკვდილით დასჯა და ა.შ.“ - განაცხადა გიორგი ცერცვაძემ.
უკრაინაში საქართველოს საგანგებო და სრულუფლებიანი ელჩის მიხეილ უკლებას განცხადებით, უკრაინის სახალხო დამცველი გია ცერცვაძის საქმისადმი განსაკუთრებულ ყურადღებას იჩენს.
უკლება ამბობს, რომ ომბუდსმენის აპარატს მუდმივი კავშირი ექნება გია ცერცვაძის ადვოკატთან.
„გამოძიება გრძელდება, მადლობა ღმერთს გია ცერცვაძე თავისუფალია, მაგრამ პროცესი მიდის,იურიდიული მხარე აქვს ამას. ამიტომ, უკრაინის მხარემ უნდა გაატაროს ყველა ის პროცედურა, რომ ექსტრადიციის პროცედურა დასრულდეს და მთლიანად რა საერთაშორისო ვალდებულებებიც აქვს უკრაინას, ის შეასრულოს. მონიტორინგს განახორციელებენ, ექნებათ კავშირი მუდმივი ადვოკატთან,“ - განაცხადა მიხეილ უკლებამ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.