ქობულეთის მუნიციპალიტეტში დიდთოვლობისგან გამოწვეული პრობლემების გამო, 400-მდე აბონენტს ელექტროენერგია, ხოლო 100-მდე აბონენტს ბუნებრივი აირი არ მიეწოდება.
ამის შესახებ Guardian.ge-ს ქობულეთის გამგეობიდან აცნობეს.
გამგეობის ინფორმაციით, მუნიციპალიტეტის 17 საბავშვო ბაღსა და 12 საჯარო სკოლაში, დასწრების დაბალი მაჩვენებლის გამო, სასწავლო პროცესი ჩაიშალა.
„სტიქიის სალიკვიდაციო ღონისძიებები დილიდან განახლდა. მობილიზებულია სამაშველო ჯგუფები და შესაბამისი ტექნიკა. სტიქიასთან ბრძოლის შტაბი ისევ საგანგებო რეჟიმში განაგრძობს მუშაობას.
მუნიციპალიტეტის ადმინისტრაციულ ერთეულებში მიმდინარეობს გზების გაწმენდითი სამუშაოები. ოჩხამურში გაიყინა გაზსადენი და 100-მდე აბობენტს არ მიეწოდება ბუნებრივი აირი. გაზმომარაგება რამდენიმე საათში აღდგება. „ენერგო-პრო ჯორჯიას“ ინფორმაციით 400-მდე აბონენტს არ მიეწოდება ელექტროენერგია, მიმდინარეობს დაზიანებული ელექტროგადამცემი ხაზების აღდგენითი სამუშაოები", - განმარტავენ ქობულეთის გამგეობაში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.