ქობულეთის მუნიციპალიტეტში რამდენიმე დღეა გადაუღებლად თოვს. თოვლის საფარი მაღალმთიან სოფლებში თითქმის 1,5 მეტრს აღწევს, ხოლო ქალაქში 20-25 სმ-ია.

როგორც Guardian.ge-ს ქობულეთის გამგეობიდან აცნობეს, დიდთოვლობის გამო, ხუცუბნის წყალსადენი სისტემა დაზიანდა, რის გამოც 800 ოჯახი წყალმომარაგების გარეშეა დარჩენილი. გარდა ამისა, 450-მდე აბონენტს ელექტროენერგია არ მიეწოდება. სტიქიის გამო, 17 საბავშვო ბაღში სასწავლო პროცესი ჩაიშალა.

გამგეობის ინფორმაციით, სტიქიასთიან ბრძოლის შტაბი საგანგებო რეჟიმში მუშაოებს. მობილიზებულია სამაშველო ბრიგადები, კომპანია „ენერგო პრო-ჯორჯიას“ ელექტრიკოსთა ჯგუფები, გამწვანებისა და სანდასუფთავების თანამშრომლები. 

„მიმდინარეობს დაზიანებული ელექტროგადამცემი ხაზების აღდგენითი სამუშაოები, ინტენსიურად იწმინდება ქალაქის ქუჩები და სოფლების ცენტრებთან მისასვლელი გზები. ამ დროისათვის მუნიციპალიტეტში 14 ერთეული სპეცტექნიკა მუშაობს. ქობულეთი-ბათუმისა და ქობულეთი-ოზურგეთის მიმართულებით სატრანსპორტო მიმოსვლა შეფერხებული არ არის", - აცხადებენ გამგეობაში.