BBC-ის საიდუმლოდ გადაღებულმა ფილმმა დიდი ბრიტანეთის ერთ-ერთ ყველაზე დიდ ციხეში არსებული ქაოსი გამოამჟღავნა.

რეპორტიორმა ნორსამბერლენდში, რომელშიც 1 348 პატიმარია განთავსებული, გადაცემა „პანორამასთვის“ ფარულად ორი თვე გაატარა.

მან აღმოაჩინა რომ სასჯელაღსრულების დაწესებულებაში ნარკოტიკული ნივთიერების ფართოდ გამოყენებას აქვს ადგილი, კონტროლის ნაკლებობაა, კარების განგაშის სიგნალი არ ირთვებოდა ერთ ბლოკში და მთელ შიდა უსაფრთხოების ღობეზე.

იუსტიციის სამინისტრომ განაცხადა, რომ იგი გამოიძიებს „უაღრესად სერიოზულ ბრალდებებს“ აკლინგტონის ციხეში.

საპატიმროს ოფიცრებმა C კატეგორიის ციხეში ასევე იპოვეს ნაქსოვი ჩაფხუტები, შავი ტანსაცმელი და ლითონის მჭრელი მოწყობილობები.

მიიჩნევენ, რომ პატიმრები ახერხებდნენ გაძვრომას ღობის პერიმეტრზე გადმოგდებული ნარკოტიკული საშუალებების თუ სხვა კონტრაბანდული საქონლის შესაგროვებლად. ეს აღმოჩენები იმ ბლოკში გაკეთდა, სადაც პატიმრებს ამზადებენ ღია საპატიმროებში გადასაყვანად, სადაც მათი საკნები ღამით არ იყო ჩაკეტილი.

საიდუმლო გამოძიების ერთ-ერთ ყველაზე შემაშფოთებელ ეპიზოდში ვიდეო აჩვენებს ციხის ოფიცერს (დაბლა მოცემულ ფოტოზე) იატაკზე, რომელსაც კრუნჩხვები აქვს მას შემდეგ, რაც შემთხვევით ჩაისუნთქავს ნარკოტიკს, იაფ და კანაფის უფრო მძლავრ სინთეტიკურ ალტერნატივას, რომლითაც სავსეა ციხე.

ფარულ რეპორტიორს, რომელიც დაკავების ოფიცრად მუშაობდა, ციხის ზოგიერთი თანამშრომელი ეუბნებოდა, რომ მათ არ შეეძლოთ პატიმრებისთვის წინააღმდეგობის გაწევა, რადგან ისინი წუხდნენ, რომ სათანადო მხარდამჭერთა ჯგუფი მისვლას საკმაოდ დააგვიანებდა.

საიდუმლო გადაღებისას რეპორტიორის მიერ ჩაწერილი სცენები მოიცავს პატიმრებს, რომლთაც ნარკოტიკებისგან უნარი აქვთ წართმეული და პატიმრებს, რომლებიც ემუქრებიან ციხის თანამშრომლებს.