„ტოშიბას“ თავმჯდომარე შიგენორი შიგა დაკავებული თანამდებობიდან გადადგა რამდენიმე საათში მას შემდეგ, რაც კომპანია იძულებული გახდა დაეყოვნებინა მრავალი მილიარდი დოლარის დანაკარგის გამჟღავნება.

მოელოდნენ, რომ იაპონური კონგლომერატი განაცხადებდა, რომ იგი ანულირებას გაუკეთებდა დაახლოებით 6 მილარდ აშშ დოლარს მის შეერთებული შტატების ატომურ ბიზნესში.

მაგრამ, როგორც BBC წერს, „ტოშიბა“-მ ვერ შეძლო შეთანხმება მის აუდიტორებთან, თუ რამდენად დიდი შეიძლებოდა ყოფილიყო ფასის დაწევა.

კომანიამ განაცხადა, რომ ბატონი შიგა თანამდებობიდან „დანაკარგზე მენეჯერული პასუხისმგებლობის აღების“ გამო წავიდა.

„ტოშიბას“ განცხადებით, იგი ივნისამდე საბჭოს შემადგენლობაში დარჩება, რათა დაეხმაროს კომპანიას პრობლემების გაუარესების თავიდან აცილებაში.

ფინანსური ქაოსიდან გამომდინარე, ზოგიერთმა ანალიტიკოსმა განაცხადა, რომ კომპანიის მომავალი რისკის ქვეშაა.

სამშაბათს „ტოშიბას“ აქციები 9%-ით დაეცა და გასულის წლის დეკემბრის შემდეგ, როდესაც კომპანიამ პირველად გაახმაურა პრობლემების ფართო სპექტრი, მისმა დანაკარგმა 50% შეადგინა.