დეკანოზ გიორგი მამალაძის დედა, ქეთევან მაღლაკელიძე მისი შვილის დაკავების შემდეგ, ჟურნალისტებთან პირველ ვრცელ კომენტარს აკეთებს.

„ინფორმაციებს, რაც ვრცელდება, ვგებულობთ მედიით. რადგან ჩემი შვილი დუმილის უფლებას იყენებს, ჩვენც ვდუმდით და არაფერს ვამბობდით. როგორ შეიძლება მღვდლის დედას იმ ინფორმაციის სჯეროდეს, რაც პროკურატურამ დადო - ეს პირველი და უმთავრესი. მეორე ის, რომ ეს ბავშვი ქუჩიდან არ მოსულა, არ მოსულა მხედრიონიდან - შეგნებულად, ეკლესიაშია ბავშვობიდან და მე როგორც ოჯახის წევრმა, შემიძლია დავიფიცო, რომ პატრიარქის გამო საკუთარ ოჯახს „გადაწევს“ - ეს ყველაფერი სისულელეა“, - განაცხადა ქეთევან მაღლაკელიძემ.

იგი ეხმაურება დაკავებული დეკანოზის მიერ ოჯახის უსაფრთხოების მოთხოვნას და ვარაუდობს, რომ ამის საფუძველი გიორგი მამალაძეს ექნებოდა.

„რადგან ის ოჯახის უსაფრთხოებას ითხოვს, ალბათ იყო რაღაც საფუძველი. არ არის ისეთი უტვინო, რომ ამას ჰაერში ითხოვდეს“, - აღნიშნა დაკავებული დეკანოზის დედამ.