საქართველოს თავდაცვის მინისტრი ლევან იზორია ბრიუსელში ნატო-ს გენერალურ მდივანს იენს სტოლტენბერგს ნატო-საქართველოს სხდომის დაწყებამდე შეხვდა.

საქართველოს თავდაცვის სამინისტროს ინფორმაციით, ნატო-ს არაწევრ ქვეყნებს შორის საქართველო ერთადერთი ქვეყანაა მინისტერიალის ფარგლებში, რომელთანაც ნატო-საქართველოს კომისიის სხდომა ტარდება. იენს სტოლტენბერგმა კიდევ ერთხელ დაადასტურა ნატო-ს მტკიცე მხარდაჭერა საქართველოს სუვერენიტეტისა და ტერიტორიული მთლიანიობის მიმართ.