პარტია „გაერთიანებული დემოკრატიული მოძრაობის“ ლიდერის ნინო ბურჯანაძის განცხადებით, „ნაციონალური მოძრაობის“ წარმომადგენლებს არაფრის დაგეგმვისა და გამოცხადების მორალური უფლება არ აქვთ და დღეს რომ ისინი იმას ბედავენ, რასაც სჩადიან, არსებული ხელისუფლების ბრალია.


ამის შესახებ ნინო ბურჯანაძემ დღეს გამართულ საგანგებო ბრიფინგზე, „ნაციონალების“ მიერ მთავრობის იმპიჩმენტის დაყენებასთან დაკავშირებით, ჟურნალისტის მიერ დასმული კითხვის საპასუხოდ განაცხადა.


„ნაციონალურ მოძრაობას“ არაფრის დაგეგმვისა და არაფრის გამოცხადების მორალური უფლება არ აქვს. ეს ძალიან ელემენტარული ჭეშმარიტებაა და მეტად სამწუხაროა, რომ ჩვენ მივიღეთ მთავრობა, რომელმაც „ნაციონალურ მოძრაობას“ მისცა იმის უფლება, რასაც ახლა ბედავენ. და ეს უფლება მისცა იმის ფასად, რომ თვითონ იყვნენ ძალიან კომფორტულად. “ქართული ოცნების” წარმომადგენლებმა, ივანიშვილის მეთაურობით, ქართველი ხალხი გაყიდეს“ - განაცხადა პარტიის ლიდერმა.