ამერიკის შეერთებული შტატების პრეზიდენტმა დონალდ ტრამპმა მედიაზე სასტიკი თავდასხმა წამოიწყო მისი თეთრ სახლში საპრეზიდენტო უფლებამოსილების შედგომიდან განვლილი პერიოდის დაცვისას.

მან „თვითერზე“ იმ მედია საშუალებების სია გამოაქვეყნა, რომლებიც მისი აზრით, ამერიკელი ხალხის მტრები არიან.

„ყალბი ახალი ამბების მედია, The New York Times-ი, NBC, ABC, CBS, CNN-ი ჩემი მტრები არ არიან, ისინი ამერიკელი ხალხის მტრები არიან“, დაწერა ტრამპმა.

ხუთშაბათს 76-წუთიან პრესკონფერენციაზე კი აშშ-ის პრეზიდენტმა ჟურნალისტებს უთხრა, რომ მათი არაკეთილსინდისიერების დონე ყოველგვარ ზღვარს სცილდება.

მან ციტირება მოიყვანა მის მიმართ მტრულად განწყობილი მედიიდან, რომელიც მის მოწოდებას შეიცავდა რუსეთთან უფრო თბილი ურთიერთობების შესახებ.

ტრამპმა მედია მისი მიღწევების დაკნინებაში დაადანაშაულა იმ დროს, როდესაც მას „მემკვიდრეობით ერგო დომხალი შინ და საზღვარგარეთ“.


პრეზიდენტმა განაცხადა, რომ იგი თეთრი სახლის საპრესკონფერენციო დარბაზში იმისთვის გამოდიოდა, რომ მისი გზავნილი „პირდაპირ ხალხთან“ მისულიყო.

მან შეაქო მისი ადმინისტრაცია მისი „მნიშვნელოვანი პროგრესისთვის“, ხაზი გაუსვა რა მის წარმატებას საფონდო ბირჟების კონკურენტუნარიანობის ამაღლებისა და არალეგალური ემიგრაციის შეზღუდვის მიმართულებით.