ამერიკის შეერთებული შტატების ჰოუმლენდის უსაფრთხოების დეპარტამენტმა მოამზადა შეტყობინების ცნობარი საემიგრაციო აგენტებისთვის, რომლის მიზანიცაა თავშესაფრის მაძიებლებს ადრეულ პროცესშივე ეთქვათ უარი მათი თხოვნების დაკმაყოფილებაზე, რითაც დეპორტაცია დაჩქარდება.

როგორც „როიტერსი“ წერს, ცნობარი თავშესაფრის მაძიებელთა ოფიცრებს „ყველა სათანადო ინფორმაციის გამორკვევის“ ინსტრუქციას აძლევს, რათა მკაფიოდ განისაზღვროს, არსებობს თუ არა აპლიკანტისთვის „დამაჯერებელი საფრთხე“ იმისა, რომ შინ დაბრუნებისას მისი დევნა განხორციელდება - პირველი დაბრკოლება, რასაც ემიგრანტები შეერთებული შტატების და მექსიკის საზღვარზე თავშესაფრის თხოვნისას წააწყდნენ.

ცნობარი პირველად McClatchy- ახალი ამბების ორგანიზაციამ გამოაქვეყნა.

აშშ-ის იუსტიციის დეპარტამენტის თანახმად, 2015 წელს თავშესაფრის მაძიებელთა მხოლოდ 18%-ის აპლიკაცია დაკმაყოფილდა მოსამართლეთა მიერ. აპლიკანტებს, რომლებიც იმ ქვეყნებიდან არიან, სადაც პოლიტიკური დევნის უფრო მაღალი მაჩვენებელია, უფრო მაღალი შანსი აქვთ მოიგონ სასამართლოებში საქმეები.