თბილისის შოთა რუსთაველის სახელობის საერთაშორისო აეროპორტში რამდენიმე წუთის წინათ ბერლინიდან თვითმფრინავი ჩამოფრინდა, რომლითაც საქართველოში სრულიად საქართველოს კათოლიკოს-პატრიარქი ილია II ჩამობრძანდა. ამის შესახებ Guardian.ge-ს თბილისის საერთაშორისო აეროპორტში განუცხადეს.
თბილისის აეროპორტში პატრიარქის დასახვედრად შეკრებილი არიან სასულიერო პირები და მართლმადიდებელი ეკლესიის მრევლის წარმომადგენლები.
ილია მეორემ „ჰელიოს ბერლინ ბუხის” კლინიკა, სადაც მას 13 თებერვალს ნაღვლის ბუშტზე ქირურგიული ოპერაცია ჩაუტარდა, დღეს გერმანიის დროით დილის 11:00 საათზე დატოვა.
უწმინდესი საავადმყოფოდან ადგილობრივმა ქართველებმა და მკურნალმა ექიმებმა გამოაცილეს.
როგორც საპატრიარქოს ჯანმრთელობის დაცვის დეპარტამენტის თავმჯდომარის მოადგილემ და პატრიარქის პირადმა ექიმმა, ცისანა შარტავამ ილია მეორის თბილისში გამომგზავრებამდე ბერლინში ჟურნალისტებთან განაცხადა, უწმინდესი თავს კარგად გრძნობს. მისი თქმით, გამოკვლევების შედეგად მიღებული ყველა მაჩვენებელი „მისაღებია".
„თავს კარგად გრძნობს უწმინდესი. ყველა მაჩვენებლები, რასაც ყოველდღიურად აკვირდებიან - შაბათ-კვირის ჩათვლით, გამოკვლევები ყოველდღიურად ხდება, ყველა მაჩვენებელი ჩვენთვის მისაღებია“, - განუცხადა ცისანა შარტავამ ჟურნალისტებს ბერლინში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.