ირაკლი წერეთელმა გრძელვადიანი შიმშილობა გამოაცხადა. მისი ამგვარი პროტესტი ხუდონჰესის შესაძლო მშენებლობას უკავშირდება. 1980-იანი წლების მიწურულისა და 1990-იანი წლების დასაწყისის ეროვნული მოძრაობის ერთ-ერთი ცნობილი ლიდერი აცხადებს, რომ აღნიშნული მშენებლობის შესაჩერებლად ბოლომდე იბრძოლებს. 

"დღეს, 2014 წლის 2 თებერვალს, მეორე დღე დაიწყო ჩემი გრძელვადიანი შიმშილობიდან.

შიმშილობის მთავარი და უპირველესი მოთხოვნაა საქართველოს ხელისუფლების მიერ ხუდონჰესის დანაშაულებრივი მშენებლობის კატეგორიული და სამუდამო აკრძალვა, შესაბამისი სახელმწიფო მნიშვნელობის, სავალდებულოდ აღსასრულებელი, ოფიციალური დოკუმენტის მიღების საფუძველზე.

ჩემი შიმშილობით პროტესტს ვუცხადებ ხუდონჰესის მშენებლობას, საერთოდ გიგანტური ჰესების მშენებლობას საქართველოში, აქტიურ სოლიდარობასა და თანადგომას ვუდასტურებ ხაიშელ ძმებსა და დებს, უკლებლივ ყველა სვანსა და ქართველს, რომლებიც ეწინააღმდეგებიან ამ ანტიქართულ და ანტიღვთიურ ბოროტებას!

მოვუწოდებ, ჩემის მხრიდან, ყველა ქართველს,პატივისცემითა და სიყვარულით, ვისაც ექნება ამის შესაძლებლობა, 2014 წლის თებერვალს, ქრისტესშობიდან, ხუთშაბათს, ამობრძანდნენ ზემო სვანეთში, სოფელ ხაიშში, სადაც გაიმართება სვანთა და სხვა ქართველ ერისკაცთა ღია შეკრება, ამ სასიცოცხლოდ მნიშვნელოვანი ეროვნული სატკივარის გარშემო!

დიდება უფალს და ღმერთმა გააძლიეროს ღირსეული ქართველები და მათ შორის აუიცილებლად სვანები!!!" - წერს ირაკლი წერეთელი ფეისბუკის საკუთარ გვერდზე.