საქართველოს პრეზიდენტი კათოლიკოს-პატრიარქს შეხვდა. როგორც შეხვედრის დასრულების შემდეგ, გიორგი მარგველაშვილმა ჟურნალისტებთან საუბრისას განაცხადა, ილია მეორესთან ერთად, ის საპატრიარქოში შეკრებულ მეუფეებსაც შეხვდა.

მისი თქმით, პატრიარქიც და მეუფეებიც მიმდინარე საკითხებთან დაკავშირებით არსებულ სირთულეებზე ღიად საუბრობენ.

„პატრიარქთან ერთად ჩვენ შევხვდით ჩვენს მეუფეებს. მე დავესაწარი ძალიან ღია და საინტერესო დისკუსიას იმ საკითხებთან მიმართებაში, რომელიც ეკლესიასთან მიმართებაში ვითარდება. პატრიარქი ხელმძღვანელობს ამ ძალიან მნიშვნელოვანი თავყრილობას, პატრიარქი და მეუფეებიც ძალიან ღიად საუბრობენ არსებული სირთულეების შესახებ. შეჯამება ამ საუბრის მდგომარეობს შემდეგში - ჩვენ უნდა მივცეთ ყველა მხარეს შესაძლებლობა - დააფიქსიროს, ამტკიცოს თავისი სიმართლე და ან თავისი ვერსიის სიამართლე. ჩვენ უნდა მივცეთ შესაძლებლობა სამართალდამცავ სტურქტურებს აკეთონ თავისი საქმე პოლიტიკური ჩარევების გარეშე. ამ პროცესის ღიაობით, გამჭვირვალეობით, შეჯიბრებითობით იმიტომ, რომ მე მინდა შევახსენო ყველას დღეს - შეჯიბრებითობა და უდანაშაულობის პრეზუმფცია დარღვეულია საქართველოში და მამა გიორგის უნდა მიეცეს, მის ადვოკატებს შესაძლებლობა, რომ თავისი სიმართლე გააცნონ საზოგადოებას, რადგან ჩვენ ყველა ამაზე ვსაუბრობთ. ამ პროცესით ჩვენ გადავლახავთ სირთულეებს და მივალთ ჭეშმარიტ პასუხებამდე", - განაცხადა გიორგი მარგველაშვილმა.