ქობულეთში რუსთაველის ქუჩის აღდგენითი სამუშაოები მიმდინარეობს. ინფრასტრუქტურული ღონისძიებები დღეს მუნიციპალიტეტის გამგებელმა, სულხან ევგენიძემ მოადგილესთან და ინფრასტრუქტურის სამსახურის უფროსთან ერთად დაათვალიერა.
ქობულეთის გამგეობის ცნობით, ქუჩის კეთილმოწყობის მიზნით ერთობლივად რამდენიმე ინფრასტრუქტურული პროექტი მიმდინარეობს.
„დაწყებულია რუსთაველის ქუჩის გაგრძელების, მეორე შესახვევისა და 3 ჩიხის მოწყობა, მიმდინარეობს ტროტუარების რეაბილიტაციაც, ასევე ქუჩის დარჩენილ მონაკვეთზე მოეწყობა სანიაღვრე არხები, ხოლო გზის სავალ ნაწილზე ასფალტის საფარი დაიგება.
მუნიციპალიტეტის ბიუჯეტიდან ქუჩის კეთილმოწყობის მიზნით ჯამში 2 503 258 ლარი დაიხარჯება. რუსთაველის ქუჩაზე სარეაბილიტაციო სამუშაოების დასრულება ტურისტული სეზონის დაწყებამდე იგეგმება.
რუსთაველის ქუჩის რეაბილიტაცია მრავალწლიანი პროექტია და ეტაპობრივად ხორციელდება. გასულ წელს ქუჩის კეთილმოწყობისთვის 1 614 624 ლარი დაიხარჯა", - აცხადებენ გამგეობაში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.