ჟენევაში გაეროს ადამიანის უფლებათა საბჭოს 34-ე სესიის ფარგლებში საქართველოს საგარეო საქმეთა მინისტრმა გაეროს უმაღლეს კომისართან ზეიდ რაად ალ-ჰუსეინთან შეხვედრა გამართა.
საგარეო უწყების ცნობით, შეხვედრაზე მიხეილ ჯანელიძემ მადლობა გადაუხადა უმაღლეს კომისარს საქართველოს მხარდაჭერისთვის და საქართველოს ოკუპირებულ რეგიონებში ადამიანის უფლებათა უზრუნველყოფის საკითხში მისი პრინციპული პოზიციისთვის. მაღალი შეფასება მიეცა კომისრის მიერ 2016 წლის სექტემბერში ადამიანის უფლებათა საბჭოზე გაჟღერებულ მკაფიო გზავნილს ოკუპირებულ ტერიტორიებზე საერთაშორისო მონიტორინგის დაშვების აუცილებლობაზე.
მინისტრმა ინფორმაცია მიაწოდა უმაღლეს კომისარს საქათველოს ოკუპირებულ რეგიონებში არსებულ ვითარებაზე, მათ შორის შეხვედრაზე ხაზი გაესვა ცხინვალის რეგიონისათვის სახელის გადარქმევაზე დანიშნულ ე.წ. რეფერენდუმის და აფხაზეთის რეგიონში საოკუპაციო ხაზის გასწვრივ ე.წ. გადასასვლელების ჩაკეტვისა და შემცირების საკითხს, რაც მხარეების შეფასებით კიდევ უფრო გაართულებს ადგილობრივი მოსახლეობის ჰუმანიტარულ მდგომარეობას და ასევე რუსეთის ფედერაციის მხრიდან წარმოადგენს საქართველოს რეგიონების მაქსიმალურ იზოლაციისა და ანექსიისკენ გადადგმულ მორიგ ნაბიჯს.
მინისტრმა უმაღლეს კომისარს ასევე გააცნო საქართველოს მთავრობის სამშვიდობო პოლიტიკა და ომით დაშორიშორებულ მოსახლეობას შორის ნდობის აღდგენისკენ მიმართული ღონისძიებები. შეხვედრაზე კიდევ ერთხელ აღინიშნა საერთაშორისო თანამეგობრობის ძალისხმევით კონფლიქტის მშვიდობიანი მოგვარების მნიშვნელობა.
უმაღლესმა კომისარმა თავის მხრივ საქართველოს მადლობა გადაუხადა ადამიანის უფლებათა საბჭოში კონსტრუქციული თანამშრომლობისთვის და განაცხადა რომ იგი მომავალშიც, ყველა საერთაშორისო ფორმატში განაგრძობს ადამიანის უფლებათა დაცვის საკითხებში საქართველოს ინტერესების დაცვას. მან ასევე მაღალი შეფასება მისცა საქართველოში განხორციელებულ რეფორმებს ადამიანის უფლებების დაცვისა და დემოკრატიული განვითარების პროცესში. საგარეო უწყების ხელმძღვანელმა უმაღლესი კომისარი საქართველოში მიიწვია.
ჟენევაში ვიზიტის ფარგლებში მინისტრი ასევე შეხვდა გაეროს ლტოლვილთა უმაღლეს კომისარს ფილიპო გრანდის.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.