პროცესი თავიდანვე პოლიტიკოსების ჩარევის შედეგად, პოლიტიზირებული გახდა, - აღნიშნული განცხადება საქართველოს პრეზიდენტმა, გიორგი მარგველაშვილმა „რუსთავი 2"-ის საქმეზე უზენაესი სასამართლოს მიერ მიღებულ გადაწყვეტილებასთან დაკავშირებით საგანგებო ბრიფინგზე გააკეთა.
მისი თქმით, „რუსთავი 2" არ არის უბრალოდ ბიზნესი ისევე, როგორც ნებისმიერი მედია არ არის უბრალოდ ბიზნესი.
„2015 წლის 22 ოქტომბერს, მაშინდელი პრემიერ მინისტრის მიერ მთავრობის სხდომაზე გაკეთბული განცხადებებიდან ჩვენ პრაქტიკულად დავდექით სამოქალაქო საზოგადოების დაპირისპირების წინაშე. მაშინვე, მე დამჭირდა ძალიან მკაფიო განცხადებების გაკეთება იმისთვის, რომ პროცესი ქუჩიდან და სამოქალაქო დაპირისპირებიდან გადმომეყვანა მოლაპარაკებების რეჟიმში. მას მერე პოლიტიკოსების ძალიან აქტიური ჩართულობა ამ საკითხთან მიმართებაში, მუდმივად პროცესის პოლიტიზირებას ახორციელებდა. არ ვეხები რა, კერძო მესაკუთრეების ირგვლივ დავას, მინდა ნათლად ვუთხრა საზოგადოებას, რომ „რუსთავი 2" არ არის უბრალოდ ბიზნესი ისევე, როგორც ნებისმიერი მედია არ არის უბრალოდ ბიზნესი და ის წარმოადგენს ჩვენი საზოგადოებრივ-პოლიტიკური ცხოვრების მნიშვნელოვან შემადგენელს. ის არის კრიტიკული და განსხვავებული აზრის გამოხატვის შესაძლებლობა.
კრიტიკული და განსხვავებული აზრის დაფიქსირება კი დემოკრატიული საზოგადოებისა და საქართველოს ევროპული მომავლისთვის ძალიან მნიშვნელოვანია. მე არაერთხელ მითქვამს, რომ ფაქტიურად, ორი წლის განმავლობაში, ყველა ჩემს შეხვედრაზე, რომელიც მქონდა ჩვენს საერთაშორისო პარტნიორებთან, „რუსთავი 2"-ის თემა იყო წამოწეული და მე მქონდა აუცილებლობა რომ ამ თემებთან დაკავშირებით ჩემი პოზიცია დამეფიქსირებინა და მიმეცა კომენტარები. საერთაშორისო თანამეგობრობაც „რუსთავი 2"-ის პროცესს რეალურად არა როგორც სამართლებრივ დავად, არამედ პოლიტიკურ პროცესად ხედავს. ხედავს პროცესად, რომელიც გავლენას ახდენს საქართველოში მედიის თავისუფლების გარემოსა და პლურალისტურ გარემოზე", - განაცხადა გიორგი მარგველაშვილმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.