„მივესალმები პრემიერ მინისტრის ამ ინიციატივას. ეს იქნება სპეკულაციის დასრულებისკენ გადადგმული ნაბიჯი, იმიტომ რომ შეიქმნება ობიექტური წყარო, რომელიც მედიაში არსებულ მდგომარეობას დააკვირდება და საზოგადოებას მედია სივრცეში არსებულ მდგომარეობასთან დაკავშირებით ინფორმაციას მიაწვდის“, - პარლამენტის პრესსამსახურის ცნობით, აღნიშნული განცხადება ევროპასთან ინტეგრაციის კომიტეტის თავმჯდომარემ, თამარ ხულორდავამ მედიაომბუდსმენის ინსტიტუტის შექმნის ინიციატივასთან დაკავშირებით გააკეთა.

მისივე შეფასებით, მედიასივრცე დღეს არის გახსნილი და თავისუფალი.

„ძალიან მნიშვნელოვანია, რომ არც ერთ, მათ შორის, ძალიან კრიტიკულ ტელევიზიასაც არ შეექმნას რაიმე დაბრკოლება საკუთარი მაუწყებლობის განხორციელების კუთხით. მე იმედი მაქვს, რომ ეს ასე იქნება მომავალშიც. ეს ინიციატივა რითაც პრემიერ მინისტრი გამოვიდა, ხელს შეუწყობს ამ მხრივ რომ არათუ რეალობაში არ იქნას პრობლემები, არამედ რაიმე კითხვის ნიშნებიც არ გაჩნდეს საზოგადოებაში“, - განაცხადა ხულორდავამ.