ენერგეტიკის მინისტრი კახა კალაძე ბუნებრივ აირზე ტარიფის გაზრდას არ გამორიცხავს. როგორც მან დღეს ჟურნალისტებთან საუბრისას აღნიშნა, ამ ეტაპზე გაზის ტარიფებს სემეკი ითვლის.
„არის შესაძლებლობა იმისა, რომ გაზის ტარიფები გაიზარდოს, თუმცა დაველოდოთ სემეკის გადაწყვეტილებას. მას შემდეგ, როცა იქნება გადაწყვეტილება მიღებული, მერე შეგვიძლია უკვე კონკრეტიკაზე ვისაუბროთ, თუმცა ის მეთოდი, რომ მოხდეს კონკრეტული ადამიანების სუბსიდირება ბიუჯეტიდან, ევროპულ ქვეყნებშიც მისაღები ფორმაა, შესაბამისად, შეიძლება განვიხილოთ იმ შემთხვევაში, თუ ტარიფის მატება იქნება ბუნებრივ აირზე. მე არ ვამბობ, რომ ეს აუცილებლად იქნება, ამას მარეგულირებელი დაადგენს. იმ შემთხვევაში თუ იქნება, შესაძლებელია ვისაუბროთ მიზნობრივ სუბსიდირებაზე, როგორც ეს ელექტრონერგიის ნაწილში გვაქვს. საქართველოში ბუნებრივი აირი სრულად იმპორტირებულია ჩვენი მეზობელი ქვეყნებიდან, მისი ყიდვა ხდება უცხოურ ვალუტაში - დოლარში და საქართველოში მოსახლეობაზე ეროვნულ ვალუტაში ხდება მისი გასაღება. ასე რომ, არის შესაძლებლობა იმისა, რომ ტარიფები გაიზარდოს, თუმცა დაველოდოთ მარეგულირებელი კომისიის გადაწყვეტილებას და ეს მხოლოდ და მხოლოდ გამოწვეულია კურსის ცვალებადობით“, - განაცხადა კალაძემ.
ენერგეტიკის მინისტრის მოადგილე განმარტავს, რომ ამ დროისთვის უწყება არ ფლობს დეტალურ ინფორმაციას, ზუსტად რა კომპონენტების გადახედვა იგეგმება.
მარიამ ვალიშვილის თქმით, სამინისტრო ფასის რეგულირების საკითხზე კომპეტენციის ფარგლებში, სემეკთან ერთად იმუშავებს.
„გუშინ დაიწყო ადმინისტრაციული წარმოება და ჩვენ არ გვაქვს დეტალური ინფორმაცია თუ რა კომპონენტების გადახედვაზეა საუბარი. ვფიქრობ, რომ ამას დასჭირდება რამდენიმე თვე, სემეკი ამაზე ინტენსიურად დაიწყებს მუშაობას და ბუნებრივია, ამ გადაწყვეტილებასთან ერთად, ჩვენ ჩვენი მხრიდან რა კომპეტენციასაც წარმოადგენს, რეგულირება და რეგულირების თემა, პარალელურად სემეკთან ერთად ვიმუშავებთ, რომ გარკვეულწილად ეს უნიფიცირებული გამჭვირვალე მიდგომის ჩამოყალიბება და მიდგომა მოხდეს,“ - განაცხადა ენერგეტიკის მინისტრის მოადგილემ მარიამ ვალიშვილმა.
ბუნებრივი აირის ფასზე ენერგეტიკის მარეგულირებელი კომისია 24 ივლისამდე იმსჯელებს. ტარიფის გადაანგარიშების მოთხოვნით მარეგულირებელს რამდენიმე კომპანიამ მიმართა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.