„ევროპული საქართველოს" წარმომადგენელი ოთარ კახიძე მიიჩნევს, რომ ბათუმში გამართული აქცია წინასწარ ორგანიზებული იყო.

ამის დასტურად საპარლამენტო უმცირესობის წარმომადგენელს ქვებით სავსე ტომრები, ე.წ. მოლოტოვის კოქტეილები და ა.შ. მოჰყავს და აცხადებს, რომ ამ ყელაფრით აქციის მონაწილეები მომარაგებულები იყვნენ.

„გუშინ, ჩვენ მოვისმინეთ ინტერვიუ მერაბ ღოღობერიძესთან, რომელიც სუს-ის ცნობილი ზონდერია და რომელიც ხელისუფლების დავალებით თავს ესხმოდა საკონსტიტუციო სასამართლოს და პოლიტიკურ ოპოზიციას. ღოღობერიძე არ მალავს, რომ ამ აქციის ორგანიზატორი თავად იყო. გამოძიებამ უნდა დაადგინოს, ამ აქციის ორგანიზებაში მთავრობის შიგნით კიდევ ვინ იყვნენ ჩართული ღოღობერიძესთან ერთად. გარდა ამისა, უნდა დადგეს ყველა იმ პირის პასუხისმგებლობის საკითხი, ვისაც წესრიგისა და უსაფრთოების დაცვა ევალებოდა ქვეყნის ერთ-ერთი ყველაზე დიდი ქალაქში, რომელიც არის ადმინისტრაციული და ტურისტული ცენტრი და რომელიც სახელმწიფომ მთელი ღამის განმავლობაში ორგანიზებულ ხულიგნებს არბევინა. ხელისუფლებამ არაფერი გააკეთა, რომ ვანდალიზმი და ვაკჰანალია აღეკვეთა, რაც იმას ნიშნავს, რომ ჩვენი ქალაქები, მოქალაქეთა საკუთრება არ არის დაცული“, - განუცხადა ჟურნალისტებს ოთარ კახიძემ.

კახიძე უსუსურს უწოდებს ხელისუფლების მცდელობას, მომხდართან დაკავშირებით ყველაფერი „ერთიან ნაციონალურ მოძრაობას“ გადააბრალოს.