შეერთებული შტატების ფედერალურმა მოსამართლემ ჰავაიში პრეზიდენტ დონალდ ტრამპის მოგზაურობის აკრძალვის ახალი ბრძანება, მისი ძალაში შესვლიდან რამდენიმე საათით ადრე დაბლოკა.

BBC-ის ცნობით, შეერთებული შტატების ადმინისტრაციული სასამართლოს მოსამართლემ დერიკ ვატსონმა ციტირება მოიყვანა „საეჭვო მტკიცებულებაზე“ მთავრობის მოსაზრებასთან დაკავშირებით, რომ აკრძალვა ეროვნული უსაფრთხოების საკითხია.

პრეზიდენტმა ტრამპმა სასამართლოს გადაწყვეტილება აღწერა, როგორც „მოსამართლის უპრეცედენტო გადამეტება“.

პრეზიდენტის ახალი ბრძანება 6 მუსულმანური სახელმწიფოდან შეერთებულ შტატებში შესვლისას მოქალაქეებს 90-დღიან და ლტოლვილებს 120-დღიან აკრძალვას უწესებდა.

ტრამპი დაჟინებით ირწმუნება, რომ აღნიშნული ნაბიჯი შეერთებულ შტატებში ტერორისტების შესვლას შეაჩერებდა, მაგრამ კრიტიკოსები მის ბრძანებას დისკრიმინაციულად მიიჩნევენ.

ტრამპის მიერ იანვარში პირველად გამოცემულმა ბრძანებამ, რომელიც ასევე შეჩერებულ იქნა სიეტლის ფედერალური მოსამართლის მიერ, დაბნეულობა და პროტესტი გამოიწვია.

ოთხშაბათ საღამოს ტენესიში, ნაშვილში მიტინგზე ტრამპმა განაცხადა, რომ ჰავაის სასამართლოს გადაწყვეტილებას რეაგირების გარეშე არ დატოვებს, საქმეს უზენაეს სასამართლომდე მიჰყვება და დაამატა: „ჩვენ გავიმარჯვებთ“.