საქართველოს ფინანსთა მინისტრი დიმიტრი ქუმსიშვილი სტატისტიკის ეროვნული სამსახურის მიერ გამოქვეყნებულ ინფორმაციას ეხმაურება.

ქუმსიშვილი მიიჩნევს, რომ წინასწარი მონაცემები, რომლის მიხედვითაც თებერვალში ეკონომიკურმა ზრდამ 4,4%, ხოლო იანვარი-თებერვლის საშუალო ეკონომიკურმა ზრდამ 4,8 % შეადგინა, კარგი მაჩვენებელია.

„წელს, ჩვენ 4%-ზე გვაქვს დაგეგმილი წლევანდელი წელი. პირველი თვეები გვიჩვენებს, რომ საკმაოდ კარგად მივდივართ. მე, რა თქმა უნდა, მაქვს შესაძლებლობა ყოველდღიურად თვალი ვადევნო მარტის თვის დამატებითი ღირებულების ბრუნვებს და აქაც ძალიან კარგი მაჩვენებელი გვაქს. მარტის თვეში წინასწარი შეფასებით, რასაც ვუყურებ, ასევე საკმაოდ კარგადაა ექსპორტის ზრდა და შესაბამისად, ეს ყველაფერი გვაძლევს იმის თქმის შესაძლებლობას და ოპტიმიზმს, რომ დაგეგმილი მონაცემები და პარამეტრები წარმატებით შესრულდება“, განაცხადა დიმიტრი ქუმსიშვილმა.