ე. წ. კაბელების საქმეზე წინასასამართლო სხდომა დროებით დაიხურა. აღნიშნულის მოტივი მხარეთა მტკიცებულებებში სახელმწიფო საიდუმლოების შემცველი მასალების დასაშვებობაზე მსჯელობა გახდა. კერძოდ, მოსამართლე დავით ჯუღელმა დამსწრეებს დარბაზის დატოვება სთხოვა სხდომის იმ ნაწილში, რომელზეც საიდუმლო მასალების შესახებ იქნება საუბარი.
წინასასამართლო სხდომაზე ბრალდებისა და დაცვის მხარეებმა მტკიცებულებების ნუსხა უნდა წარადგინონ, რომელშიც როგორც ცნობილია, არსებობს საიდუმლო მოწმეთა ჩვენებები. მას შემდეგ რაც ნუსხას წარადგენენ და დასაშვებობაზე იმსჯელებენ, პროცესი მოსამართლის განცხადებით, კვლავ გაიხსნება. სასამართლო სხდომის დახურვამდე ე. წ. კაბელების საქმეზე ბრალდებულმა ხუთივე პირმა წარდგენილ ბრალდებაზე საკუთარი პოზიციის დაფიქსირებისას განაცხადეს, რომ თავს დამნაშავედ არ ცნობენ. სხდომის დახურვის შემდეგ სასამართლოში რჩებიან თავდაცვის ყოფილი მინისტრი ირაკლი ალასანია და “თავისუფალი დემოკრატების” სხვა წარმომადგენლები. როგორც ალასანიამ განაცხადა, იგი სხდომის გახსნას დაელოდება და პროცესს დაესწრება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.