„თქვენ ვერ შეიგნეთ, რომ ყველა ქართველის პრეზიდენტი უნდა ყოფილიყავით" ასე მიმართა სალომე ზურაბიშვილმა პარლამენტში სიტყვის გამოსვლისას საქართველოს პრეზიდენტს.

„პრეზიდენტის სიმბოლო ქვეყანაში, რომელსაც გააჩნია ათასწლოვანი მონარქიის ტრადიცია, უძველეს ევროპაში, ალბათ, გულთანაც ახლოს არის ბევრთათვის და შესაძლოა, მომავლის ნიშანიც კი, სამწუხაროდ ბატონო პრეზიდენტო, თქვენ ამ სიმბოლოს ან არ, თუ ვერ გაუფრთხილდით ისე, როგორც სასურველი იქნებოდა. სამწუხაროდ, საგარეო წარმომადგენლობა მსოფლიო მოედანზე გადააქციეთ სამარცხვინო შეჯიბრად და ქიშპობის საგნად. სამწუხაროდ, გაერთიანების და მიუკერძოებლობის სიმბოლოს მაგივრად, ნელ-ნელა იქეცით საზოგადოების ერთი ნაწილის პოზიციების გამხმოვანებლად, დღესაც ალბათ, ვნახავთ თქვენსა და ერთი ფლანგის პოზიციათა შორის დიდ მსგავსებას, სახელმწიფო მოღვაწეობიდან პოლიტიკურ არენაში გადახვედით. თქვენ როცა შეირგეთ ამ ადგილზე თქვენივე დანიშვნა, კითხვის ნიშნის ქვეშ დააყენეთ პრეზიდენტის არჩევითობის პრინციპი.

სამწუხაროდ, როცა შეწყალების დროს, თქვენი ახლობლების მიმართ უფრო ლმობიერებას იჩენთ, ვიდრე უპატრონო მოქალეების მიმართ, თქვენვე, თქვენს მორალურ ავტორიტეტს აქვეითებთ. როდესაც ვეტოთი ვხმალაობთ, იმის მაგივრად რომ ეს ბერკეტი მხოლოდ უკიდურეს შემთხვევაში გამოიყენოთ... ამის მაგივრად, რომ მიგეჩვიათ საზოგადოება ჩვეულებრივ აზრთა სხვაობას, ჯანმრთელ დისკუსიას, ამის მაგივრად დაპირისპირების და დაძაბვის მაგალითს აძლევთ, ამით თქვენი გამაერთიანებელ როლს აკნინებთ,“ განაცხადა სალომე ზურაბიშვილმა.