თერჯოლის მუნიციპალიტეტის გამგებლის მოვალეობის შემსრულებელმა თემურ ქოჩიაშვილმა დღევანდელ თათბირზე ყურადღება მუნიციპალიტეტში მიმდინარე მნიშვნელოვან საკითხებსა და განსახორციელებელ პროექტებზე გაამახვილა.

თერჯოლის მუნიციპალიტეტის გამგეობის ცნობით, თათბირზე საკითხები დეტალურად-სამსახურებისა და დარგების მიხედვით განიხილეს.

მუნიციპალიტეტის პირველმა პირმა შესაბამისი სამსახურების უფროსებისაგან მოისმინა ინფორმაცია აღდგომის დღესასწაულისათვის სასაფლაომდე მისასვლელი გზების მოწესრიგების მიზნით ღონისძიების გატარებისა და სხვადასხვა ინფრასტრუქტურული პროექტების, მათ შორის „რეგიონული განვითარების პროექტის“ ფარგლებში განსახორციელებელი პროექტების შესახებ, ყურადღება გაამახვილა აღდგომის დღესასწაულისათვის ა(ა)იპ „თერჯოლის დასუფთავებისა და კეთილმოწყობის მუნიციპალური ცენტრის“ მიერ განსახორციელებელ სამუშაოებზე, საქართველოს ერთიანობისათვის დაღუპულ გმირთა სახელობის მემორიალისა და სკვერის მოეწყობისათვის საჭირო დოკუმენტაციის მოგვარებისა და სამუშაოების მიმდინარეობაზე. ასევე თათბირზე თემურ ქოჩიაშვილმა ხელმძღვანელ პირებთან ერთად სხვა, ამ ეტაპზე მუნიციპალიტეტის მოსახლეობისათვის მნიშვნელოვან საკითხებზეც იმსჯელა.

თათბირს ესწრებოდნენ მოადგილეები კახაბერ კუპატაძე, ნაომი სარდანაძე, სამსახურებისა და განყოფილებების უფროსები, ა(ა)იპ „თერჯოლის დასუფთავებისა და კეთილმოწყობის მუნიციპალური ცენტრის“ უფროსი და თერჯოლისა და ტყიბულის გაერთიანებული ოლქის მაჟორიტარი დეპუტატის ელგუჯა გოცირიძის ბიუროს წარმომადგენელები.