არსებული ინფორმაციით, ჭიათურის მაღაროში მუშა გარდაიცვალა. ამავე ინფორმაციის თანახმად, მაღაროელი მე-3 სართულის კიბიდან ჩამოვარდა და ადგილზევე დაიღუპა. 

Guardian.ge ინფორმაციის გადასამოწმებლად ჭიათურის მუნიციპალიტეტის გამგეობას დაუკავშირდა. გამგეობის პრესსამსახურში აცხადებენ, რომ მომხდართან დაკავშირებით ზუსტი ინფორმაცია არ აქვთ. მათი ცნობით, შემთხვევა, სავარაუდოდ, ჭიათურის სამთო გამამდიდრებელ კომბინატში მოხდა.

Guardian.ge-მ ინფორმაციის დაზუსტება სცადა „ჯორჯიან მანგანეზთან", თუმცა, დაკავშირება ვერ მოხერხდა.

შს სამინისტროში განმარტავენ, რომ მომხდართან დაკავშირებით, გამოძიება სისხლის სამართლის კოდექსის 240-ე მუხლით დაიწყო, რაც სამთო, სამშენებლო ან სხვა სამუშაოს წარმოებისას უსაფრთხოების ნორმების დარღვევას გულისხმობს.