„სამხრეთ ოსეთის" ე.წ. პრეზიდენტი ანატოლი ბიბილოვი გახდა. ე.წ. საარჩევნო კომისიის განცხადებით, პარლამენტის სპიკერმა საპრეზიდენტო არჩევნების პირველივე ტურში მონაწილეთა ხმების 54,8%-ი მიიღო.

ბიბილოვმა ჯერ კიდევ ორი დღის წინათ „РИА Новости“-ს განუცხადა, რომ „სამხრეთ ოსეთის“ საპრეზიდენტო არჩევნებში გაიმარჯვა.

„ჩვენ შევაგროვეთ ყველა ოქმის ასლები, რომელზეც პრეზიდენტის ყველა კანდიდატის ხელმოწერაა დაფიქსირებული. ამ ოქმების ასლების დამუშავების და დათვლის შედეგად მე ხმების 54,9 პროცენტი მივიღე. ასე რომ, თავს გამარჯვებულად ვთვლი“, აცხადებდა ბიბილოვი.

ე.წ. სამხრეთ ოსეთში საპრეზიდენტო არჩევნები კვირას, 9 აპრილს გაიმართა. კანდიდატს გამარჯვებისთვის 50%-ზე მეტი ხმის მიღება ესაჭიროებოდა.