დუშეთში, სკვერის ტერიტორიაზე გამწვანების აქცია გაიმართა. როგორც Guardian.ge-ს დუშეთის მუნიციპალიტეტის გამგეობიდან აცნობეს, აქციის ფარგლებში, ცაცხვისა და ფიჭვის 100 ნერგი დაირგო.

აქციაში მონაწილეობა დუშეთის გამგებელმა ვაჟა ჩოხელმა, გამგებლის პირველმა მოადგილემ ბექა ღარიბაშვილმა, გამგეობის, ა(ა)იპ ,,დუშეთის კეთილმოწყობის, დასუფთავებისა და გამწვანების გაერთიანებისა'' და ,,გაერთიანებული წყალმომარაგების კომპანიის’ ‘ თანამშრომლებმა, აგრეთვე, ,,საქართველოს წითელი ჯვრის საზოგადოების დუშეთის დღის სოციალური ცენტრის’’ მოხალისეებმა და მოქალაქეთა პოლიტიკური გაერთიანება ,,ქართული ოცნება- დემოკრატიული საქართველოს'' დუშეთის ახალგაზრდული ორგანიზაციის წევრებმა მიიღეს.

გამგეობის ინფორმაციით, აქცია ,,გაერთიანებული წყალმომარაგების კომპანიისა’’ და დუშეთის გამგეობის ორგანიზებით გაიმართა.

„ჯანსაღი და კომფორტული გარემოს უზრუნველსაყოფად, მომავალში დაგეგმილია მსგავსი აქციების განხორციელება ქალაქის სხვადასხვა ტერიტორიაზე", აცხადებენ დუშეთის მუნიციპალიტეტის გამგეობაში.