ირანის ბირთვულ პროგრამაზე მიმდინარე მოლაპარაკებებზე ე.წ. ექსვსეულმა და ირანმა შეთანხმებას მიაღწიეს. „შეთანხმება მიღწეულია ყველა ძირითად პუნქტზე“ – დაწერა თვითერის საკუთარ გვერდზე გერმანიის საგარეო საქმეთა სამინისტროს წარმომადგენელმა.
აშშ-ს სახელმწიფო მდივანმა ჯორ ქერიმ კი განაცხადა, რომ შემუშავებულია ყველა ძირითადი პარამეტრი და გაგრძელდება მოლაპარაკება დეტალების საბოლოო შეთანხმებაზე.
ირანის პრეზიდენტმა ჰოსეინ როჰანიმაც თვითერის ოფიციალურ გვერდზე დაწერა, რომ ლოზანაში მიმდინარე მოლაპარაკებებზე განსაზღვრულია მომავალი ბირთვული შეთანხმების საკვანძო პარამეტრები და ოფიციალური დოკუმენტის შემუშავება უკვე დაწყებულია.
როგორც ლოზანაში გამართულ პრეს-კონფერენციაზე ევროკავშირის წარმომადგენელმა ფედერიკა მოგერინიმ განაცხადა, ირანის წინააღმდეგ არსებული სანქციების გაუქმება გაეროს უშიშროების საბჭოს გადაწყვეტილების პარალელურად მოხდება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.