ბაზალეთში მდებარე საქართველოს შეიარაღებული ძალების ეროვნული გვარდიის სკოლაში ლიდერთა გაძლიერებული კურსის დახურვის ცერემონია გაიმართა. თავდაცვის სამინისტროს ცნობით, ეროვნული გვარდიის უფროსის მოადგილემ, ვიცე-პოლკოვნიკმა გიორგი მელითაურმა, ესტონეთის თავდაცვის ლიგის სკოლის უფროსმა ერიკ რეინოლდსმა და ეროვნული გვარდიის სკოლის უფროსმა, ვიცე-პოლკოვნიკმა ფრიდონ სიყმაშვილმა კურსდამთავრებულებს სიტყვით მიმართეს, კურსის დასრულება მიულოცეს და სერტიფიკატები გადასცეს.
უწყების განმარტებით, ერთი კვირის განმავლობაში 13 გვარდიელი პრობლემის ანალიზის, მისი მიზეზის დადგენის მეთოდსა და საკითხის გუნდურად გადაჭრის უნარ-ჩვევებს დაეუფლა. კურსი ესტონეთის თავდაცვის ლიგის სკოლისა და დანიის სამეფოს შიდა გვარდიის სკოლის წარმომადგენელთა მხარდაჭერით ჩატარდა.
ეროვნულ გვარდიას ესტონეთის თავდაცვის ლიგასთან და დანიის სამეფოს შიდა გვარდიასთან რამდენიმეწლიანი თანამშრომლობა აკავშირებს. სამმხრივი თანამშრომლობის ფარგლებში ეროვნული გვარდიის სკოლისა და მე-10 კადრირებული ბრიგადის ტერიტორიებზე რამდენიმე კურსიც ჩატარდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.