ედინბურგის ჰერცოგი შემოდგომიდან სამეფო უფლებების შესრულებას თავს ანებებს. ინფორმაციას ბუკინგემის სასახლე ავრცელებს.
როგორც BBC იუწყება, ბუკინგემის სასახლის წარმომადგენლის განცხადებით, გადაწყვეტილება ფილიპმა თავად მიიღო და მას დედოფალმა მხარი დაუჭირა.
ჰერცოგი, რომელიც მომავალ თვეს 96 წლის ხდება, აგვისტოს ბოლომდე დაესწრება მანამდე დაგეგმილ შეხვედრებს, მაგრამ არ მიიღებს მიწვევებს.
ბუკინგემის სასახლის ცნობით, დედოფალი „განაგრძობს ოფიციალური შეხვედრების სრულ პროგრამაში“ მონაწილეობას.
როგორც BBC წერს, ჰერცოგმა 2016 წელს 110 შეხვედრაში მიიღო მონაწილეობა და ამის გამო იგი სამეფო ოჯახის მე-5 ყველაზე დაკავებული წევრი გახდა.
იგი არის 780 ორგანიზაციის მფარველი, პრეზიდენტი თუ წევრი და განაგრძობს მათთან თანამშრომლობას, მაგრამ „უკვე აღარ ითამაშებს აქტიურ როლს შეხვედრებზე დასწრების კუთხით“, აცხადებენ ბუკინგემის სასახლეში, რომლის წარმომადგენელმა თქვა, რომ ჰერცოგი „ხანგამოშვებით შესაძლოა გარკვეულ საჯარო ღონისძიებებს დაესწროს“.
პრინცი ფილიპი ბრიტანეთის ისტორიაში გვირგვინოსნის ყველაზე ხანგრძლივად მოსამსახურე მეუღლეა. როგორც BBC იუწყება, მისი გადადგომის საკითხი „ჯანრთელობის მდგომარეობას“ არ უკავშირდება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.