ესტონეთში საერთაშორისო სამხედრო სწავლება „Spring Storm 2017“ დაიწყო. თავდაცვის სამინისტროს ცნობით, 18-დღიან სწავლებაში საქართველოს შეიარაღებული ძალების გენერალური შტაბის სამი ოფიცერი მონაწილეობს, რომლებიც მრავალეროვნული ბრიგადის შტაბში სხვადასხვა ამოცანებს ასრულებენ.
უწყების განმარტებით, ყოველწლიური საველე სწავლება 4 ფაზისგან შედგება, რომლის ფარგლებშიც მონაწილეები კონვენციური ბრძოლის წარმოების უნარ-ჩვევებს დახვეწენ. ქვეითი ელემენტის გარდა სწავლებაში ჯავშანტექნიკა და საინჟინრო ოცეულები აქტიურადაა გამოყენებული. ღონისძიებაში აშშ-ის, პოლონეთის, ესპანეთის და ესტონეთის საავიაციო საშუალებებიცაა ჩართული.
ქართველ სამხედრო მოსამსახურეები „Spring Storm 2017“-ში აშშ-ის, საფრანგეთის, დიდი ბრიტანეთის, ჰოლანდიის, გერმანიის, პოლონეთის, კანადის, ფინეთის, ლიტვის, ლატვიის, უკრაინის და ესტონეთის სამხედროებთან ერთად მონაწილეობენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.