ირმა ინაშვილი საქართველოს ყოფილ პრეზიდენტს, მიხეილ სააკაშვილს მასზე თავდასხმის ორგანიზებაში ადანაშაულებს და აცხადებს, რომ თუ არ მოხერხდა ადეიშვილისა და სააკაშვილის უკრაინიდან ექსტრადირება, მაშინ საქართველოში ტერაქტები გაგრძელდება და მორიგი მსხვერპლი შესაძლოა, „ნაციონალური მოძრაობის“ რომელიმე ცნობადი სახე იყოს. „პატრიოტთა ალიანსის“ ერთ-ერთმა ლიდერმა ამის შესახებ გაზეთ „ასავალ-დასავალთან“ ინტერვიუში ისაუბრა.

 

„2015 წლის  7 მარტს მომაწოდეს ინფორმაცია, რომ  მიხეილ სააკაშვილი ჩემზე თავდასხმის ორგანიზებას  გეგმავდა. მას ცალსახად უთქვამს, ეს უნდა იყოს  უბედური შემთხვევა და არა პოლიტიკური მკვლელობაო. ამ ფაქტთან დაკავშირებით მომწმის  სახით დავიკითხე. საქმეს „გრიფით საიდუმლო“  ადევს  და არ მაქვს უფლება, დამატებით დეტალებზე ვისაუბრო, თუმცა, დამკვეთი რომ მიხეილ სააკაშვილია, ამას ხმამაღლა ვაცხადებ! ასევე მაქვს ინფორმაცია, რომ კიევიდან კიდევ 3-4 ადამინის  ლიკვიდაციას გეგმავენ, მათგან ერთ -ერთი, შესაძლოა, „ნაციონალური მოძრაობის“ რომელიმე ცნობადი სახე იყოს, რათა გამოძიება დააბნინონ და საზოგადოება შცდომაში შეიყვანონ. ფაქტია, თუ ვერ მოვახერხეთ ადეიშვილ- სააკაშვილის  საქართველოში   ჩამოყვანა, ტერაქტები გაგრძელდება!  ვაზაგაშვილის და ხარძიანის მკვლელობაზე პასუხისმგებელნი მხოლოდ სააკაშვილი და ადეიშვილი არ არიან,  პასუხისმგებლობა დღევანდელ ხელისუფლებასაც ეკისრება“, – აცხადებს ირმა ინაშვილი.