თბილისში, ვაკის პარკში ე.წ. ღამის მგლების წევრი ბაიკერები მივიდნენ.
„ჩვენ მოვედით აქ, რომ ქედი მოვიხაროთ ორი ერის გარდაცვლილი და ცოცხალი წინაპრების წინაშე, რომლებიც იბრძოდნენ ჩვენი თავისუფლებისთვის, რათა ჩვენ არ ვყოფილიყავით ფაშისტები.... თქვენ ამაში ეჭვი გეპარებათ? თქვენ ასეთი ინტერვიუ თქვენი ვეტერანებისგან აიღეთ? მათთან მიხვედით და ჰკითხეთ, იმ წლებში რა გადაიტანეს? ეჭვი მეპარება, თქვენ თვალებში ვხედავ, რომ მატყუებთ. ვხედავ ცრემლებს მათ თვალებზე მათთდამი უყურადღებობის გამო", განაცხადა ბაიკერმა და დასძინა: „მივედი ვეტერანთან დღეს და ის ტიროდა. ყურადღება მათ ნამდვილად არ ჰყოფნით, ისინი ვერ ხედავენ რომ თქვენ აფასებთ, რაც მათ გააკეთეს," - მიმართა ე.წ. ღამის მგლების ერთ-ერთმა წევრმა, ლეონიდ მურაშკინმა ქართველ ჟურნალისტებს.
კითხვაზე, რამდენად კანონდარღვევით მოხდა საქართველოს ტერიტორიაზე მათი შემოსვლა, ბაიკერმა ასე უპასუხა: „თქვენმა სასაზღვრომ შემომიშვა და რა უნდა ვიფიქრო?“.
ე.წ. ღამის მგლების წევრმა ბაიკერებმა ვაკის პარკში უცნობი ჯარისკაცის საფლავი ყვავილებით შეამკეს. მათ ვაკის პარკი უკვე დატოვეს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.