2017 წელს, ხონის მუნიციპალიტეტში ინფრასტრუქტურული პროექტების განხორციელებისათვის 2 მილიონ ლარზე მეტი დაიხარჯება.

როგორც Guardian.ge-ს ხონის მუნიციპალიტეტის გამგეობის პრესსამსახურიდან აცნობეს, თანხის ძირითადი ნაწილი გზების აღდგენას მოხმარდება. იგეგმება ქალაქისა და სოფლების შიდა გზების მოასფალტება; კულტურულ-საგანმანათლებლო დაწესებულებების შენობათა რეკონსტრუქცია; ქალაქის ცენტრში სამ და ხუთსართულიანი საცხოვრებელი სახლების ფასადების კეთილმოწყობა; სახიდე გადასასვლელების დაზიანებული მონაკვეთების აღდგენა.

„ხონში, საზოგადოების ინტერესების გათვალისწინებით, ჯამში, 22 ინფრასტრუქტურული პროექტი განხორციელდება. 28,000-მდე ბენეფიციარს სამუშაოების დასრულების შემდეგ პრიორიტეტულად მიჩნეული პრობლემები მოუგვარდება“, აცხადებენ ხონის მუნიციპალიტეტის გამგეობაში, რომელიც დაგეგმილი და განსახორციელებელი ინფრასტრუქტურული პროექტების ნუსხას აქვეყნებს:

ქ. ხონი ვაჟა-ფშაველას ქუჩის მოასფალტება

ქ. ხონის რუსთაველის სახელობის ქუჩის გაგრძელების მოასფალტება

ქ. ხონი რ. შამათავას სახელობის ქუჩის მოასფალტება

ქ. ხონი გ. ჭანტურიას სახელობის ქუჩის მესამე შესახვევის (გურამიშვილის ქუჩის დამაკავშირებელი) მოასფალტება

ქ. ხონი ჯორჯიაშვილის ქუჩის მოასფალტება

ქ.ხონი მოსე-ხონელის სახელობის ქუჩის მეოთხე შესახვევის მოასფალტება

ქ. ხონი დ. კაკაბაძის ქუჩის მოასფალტება

ქ. ხონი გ. ჭანტურიას ქუჩის შესახვევების მოასფალტება (ფოსტის უკან და თუთისანის ქუჩაზე გამავალი)

ქ. ხონი პ. კაკაბაძის ქუჩის აღდგენა

ქ. ხონი მოსე-ხონელის სახელობის ქუჩის მესამე შესახვევის მოასფალტება

ქ. ხონის გორგასალის სახელობის ქუჩის გაგრძელების მოასფალტება

ქ. ხონის გოგებაშვილის სახელობის ქუჩის მოასფალტება

პუშკინის ქუჩა მეოთხე უბნის სასაფლაოსთან მისასვლელი გზის მოასფალტება

სოფელ კუხში მთავარი გზიდან სკოლამდე მისასვლელი გზის მოასფალტება

სოფელ კონტუათში მთავარი გზიდან კონტუათის ცენტრამდე მისასვლელი გზის მოასფალტება

სოფელ გოჩა-ჯიხაიშში საშუალო სკოლიდან ტაძრამდე მისასვლელი 800 გრძ-მეტრი გზის მოასფალტება

ქ. ხონში ნინოშვილის ქუჩის 1-ლი შესახვევისა და აბაშიძის ქუჩის 1-ლი შესახვევის დამაკავშირებელი გზის მოასფალტება

ი. ნანეიშვილის სახელობის ფსიქიკური ჯანმრთელობის ცენტრამდე მისასვლელი გზის მოასფალტება

ხონის მხარეთმცოდნეობის მუზეუმის აღდგენა

ქ. ხონში სამხატვრო სკოლის აღდგენა

სამ და ხუთსართულიანი საცხოვრებელი სახლების ფასადების აღდგენა (თავისუფლების მოედანი # 12; 13; 15; სოლომონ მეორის ქუჩა #7)

ხონის მუნიციპალიტეტში ქუთაისი-წყალტუბო-ცაგერი-ლენტეხი-ლასდილის საავტომობილო გზის 37-ე კმ-ზე სოფელ ღვედის შესასვლელში არსებული სახიდე გადასასვლელის დაზიანებული მონაკვეთის აღდგენა.