ახალციხეში, შოთა რუსთაველის დღეები მრავალფეროვანი საგანმანათლებლო და კულტურული აქტივობებით მიმდინარეობს. ახალციხის მუნიციპლაიტეტის მერიის ინფორმაციით, ციტადელში, საქართველოს კულტურისა და ძეგლთა დაცვის მინისტრმა, მიხეილ გიორგაძემ რეგიონის კულტურისა და განათლების სფეროს წარმომადგენლებთან, ქალაქის მერთან, ვლადიმერ ზედგინიძესთან და ადმინისტრაციების ხელმძღვანელებთან ერთად მონაწილეობა მიიღო პროექტში - „გადაწერე ვეფხისტყაოსნის ერთი სტროფი“.

„გამოიფინა სხვადასხვა ენაზე გამოცემული „ვეფხისტყაოსნები“, მოეწყო ცნობილი მხატვრის ქეთი მატაბელის, ახალგაზრდა და ადგილობრივი მხატვრების გამოფენები,ზეპირად კითხვის ოსტატების შეხვედრები მსმენელებთან. საღამოს, ქართველ მწერლებთან და ანსამბლ „მესხეთთან“ ერთად ნეკა სებისკვერაძის კონცერტი გაიმართა“, აღნიშნულია ახალციხის მერიის პრესსამსახურის მიერ გავრცელებულ ინფორმაციაში.