გენერალ გიორგი კვინიტაძის სახელობის კადეტთა სამხედრო ლიცეუმი ახალი აკადემიური წლისთვის ემზადება. თავდაცვის სამინისტროს განმარტებით, ამ მიზნით, ლიცეუმის წარმომადგენლებმა საქართველოს მასშტაბით საჯარო სკოლებში საინფორმაციო შეხვედრები გამართეს.
საინფორმაციო შეხვედრების ციკლი, დღეს, 2008 წლის აგვისტოს ომში დაღუპული სამხედროს, კაპრალ ვახტანგ გზირიშვილის სახელობის N173-ე საჯარო სკოლაში დასრულდა.
„ლიცეუმის მთავარმა სერჟანტმა, იაკობ მარუაშვილმა და კადეტებმა მოსწავლეებს სასწავლებლის ისტორიის, ამოცანის შესახებ პრეზენტაცია წარუდგინეს და სასწავლო პროგრამების, მიღების პირობების შესახებ ინფორმაცია მიწოდეს. შეხვედრა კითხვა-პასუხის რეჟიმში გაგრძელდა.
მოსწავლეები ფიზიკური მომზადების, სწავლის პროცესისა და დღის განრიგით დაინტერესდნენ. მათი კითხვები ინფრასტრუქტურისა და მატერიალურ-ტექნიკური ბაზის მდგომარეობასაც შეეხო. შეხვედრაზე 2008 წლის აგვისტოს ომში დაღუპული სამხედროს, კაპრალ ვახტანგ გზირიშვილის ოჯახის წევრებიც იმყოფებოდნენ. უახლოეს დღეებში კადეტთა სამხედრო ლიცეუმში „ღია კარის დღე“ გაიმართება.
დაინტერესებულ პირებს სამხედრო სასწავლებელში მიმდინარე პროცესებისა და საყოფაცხოვრებო პირობების გაცნობის, ასევე ინფრასტრუქტურის დათვალიერების საშუალება მიეცემათ. სამხედრო ლიცეუმის ხელმძღვანელობა და კადეტები, საინფორმაციო შეხვედრების ფარგლებში, გურიის, რაჭა-ლეჩხუმის, იმერეთის, შიდა ქართლის, კახეთის, სამცხე-ჯავახეთისა და სამეგრელო-ზემო სვანეთის სკოლის მოსწავლეებს შეხვდნენ", აღნიშნულია თავდაცვის უწყების მიერ გავრცელებულ ინფორმაციაში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.