საქართველოს თავდაცვის სამინისტროს ინიციატივით, ახალგაზრდა თაობაში ცნობიერების ამაღლების მიზნით დამოუკიდებლობის კვირეული ტარდება. კვირეულის ფარგლებში, სალექციო კურსს სხვადასხვა უმაღლესი სასწავლებელი მასპინძლობს.
თავდაცვის უწყების ცნობით, საქართველოს დამოუკიდებლობისა და შეიარაღებული ძალების როლზე ლექცია დღეს ილიას სახელმწიფო უნივერსიტეტის სტუდენტებმა მოისმინეს.
თავდაცვის სამინისტროს თავდაცვის პოლიტიკისა და განვითარების დეპარტამენტის წარმომადგენელი, ისტორიის დოქტორი ბექა კობახიძე და ლიტერატურის მუზეუმის დირექტორი, ისტორიის დოქტორი ლაშა ბაქრაძე ახალგაზრდებს საქართველოს დამოუკიდებლობის მნიშვნელობაზე, ამ კონტექსტში შეიარაღებული ძალების როლსა და ქვეყნის განვითარების პერსპექტივებზე ესაუბრნენ. მომხსენებლებმა საქართველოს პირველი რესპუბლიკა და გასაბჭოების პერიოდიც გაიხსენეს.
დამოუკიდებლობის კვირეულის ფარგლებში, თავდაცვის სამინისტროს წარმომადგენლები და მოწვეული ისტორიკოსები ეროვნული თავდაცვის აკადემიის იუნკერებს, თავისუფალი უნივერსიტეტისა და შავი ზღვის საერთაშორისო უნივერსიტეტის სტუდენტებს უკვე შეხვდნენ და თემაზე - „საქართველოს დამოუკიდებლობა და შეიარაღებული ძალების როლი, ქვეყნის დამოუკიდებლობის ისტორიაში“ - ლექცია წაუკითხეს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.