გადაწყვეტილება უკვე მიღებულია და საქართველო აუცილებლად შეუერთდება ნატოს, აღნიშნული განცხადება ჟურნალისტებთან საუბრისას საქართველოში ნატო-ს სამეკავშირეო ოფისის ხელმძღვანელმა უილიამ ლაჰიუმ გააკეთა.
მისი თქმით, ის, თუ როდის მოხდება გაწევრიანება, ალიანსის წევრ ქვეყნებზეა დამოკიდებული.
„ყველა მოკავშირე მხარს უჭერს საქართველოს. სწორედ ამიტომ იმყოფება ალიანსის 25 წევრის მუდმივი წარმომადგენელი აქ თბილისში, ჩვენს სამეკავშირეო ოფისში. ჩვენ აქ ვართ საქართველოს და მისი ნატოში გაწევრიანების მისწრაფების მხარდასაჭრად. როდის გაწევრიანდება, ეს დამოკიდებულია ინდივიდუალურად თითოეულ მოკავშირეზე. მაგრამ, გადაწყვეტილება უკვე მიღებულია და საქართველო აუცილებლად შეუერთდება ნატოს. მთავარია პროგრესი და დავარწმუნოთ ისინი, რომ დროა, საქართველო ალიანსში მიიწვიონ ” განაცხადა უილიამ ლაჰიუმ.
თბილისში ხვალ ნატოს საპარლამენტო ასამბლეის საგაზაფხულო სესია იხსნება. ეს ასამბლეის პირველი სესიაა, რომელიც 2002 წლის შემდეგ ალიანსის არაწევრ ქვეყანაში იმართება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.