26 მაისი, საქართველოს დამოუკიდებლობის დღე, ისევე როგორც მთელ ქვეყანაში, დუშეთის მუნიციპალიტეტშიც განსაკუთრებულად აღინიშნა.

დუშეთის გამგეობის პრესსამსახურის ინფორმაციით, ტრადიციულად დუშეთში დილიდან სხვადასხვა აქტივობები მოეწყო, რომელსაც ადგილობრივ მოსახლეობასთან ერთად, დუშეთის მუნიციპალიტეტის გამგებელი ვაჟა ჩოხელი, მისი პირველი მოადგილე ბექა ღარიბაშვილი, საკრებულოს თავმჯდომარე გივი ზურაბაშვილი, პარლამენტის მაჟორიტარი დეპუტატის, ზაქარია ქუცნაშვილის ბიუროსა და მცხეთა-მთაიანეთის გუბერნიის წარმომადგენლები ესწრებოდნენ.

გამგებელმა მოსახლეობას დღესასწაულთან ერთად, „ვეფხისტყაოსნის“ 850 წლის იუბილე მიულოცა.

საქართველოს დამოუკიდებლობის დღისადმი მიძღვნილი ღონისძიებები ქალაქში კონცერტით დაიწყო, დამსწრე საზოგადოებას ადგილობრივმა შემსრულებლებმა სხვადასხვა მუსიკალური და საცეკვაო ნომრები წარუდგინეს;

გაიმართა საჭადრაკო ტურნირი ბარისახოსა და დუშეთის მოყვარულ მოჭადრაკეთა შორის, რომლიც ბარისახოს გუნდის გამარჯვებით დასრულდა;

მოეწყო სპორტული მართონი სირბილში, რომლის გამარჯვებული გახდა გიორგი მექვაბიშვილი, ხოლო II და III ადგილები კი უჩა კარიაულმა და რატი მწითურმა გაინაწილეს; დამოუკიდებლობის დღეს ღონისძიება მიუძღვნეს მოსწავლე-ახალგაზრდებმა ქ. დუშეთის N 1 საჯარო სკოლაშიც, სადაც ადგილობრივი ხელისუფლების თანდასწრებით გაიხსნა აფხაზეთის ომში დაღუპულთა ხსოვნის სტენდი.

საზეიმო ღონისძიებები დოღით დასრულდა. ბაზლეთის მიმდებარე ტერიტორიაზე გამართულ სპორტულ ღონისძიებაში მონაწილეობა მიიღო 32 -მა მსურველმა, გამოვლინდნენ გამარჯვებულები: I ადგილი - გოგიტა კოწაწაშვილი, II ადგილი - ლევან კარიაული და III ადგილი - გიორგი სოხაშვილი.

გამართულ ღონისძიებებში გამარჯვებულები დასაჩუქრდნენ დუშეთის მუნიციპალიტეტის გამგეობის მიერ.

აღსანიშნავია, რომ დოღს აგრეთვე ესწრებოდა ლევილის ყოფილი მერი დანიელ ესტრემი, რომელმაც ღონისძიების შემდეგ დუშეთის მუნიციპალიტეტის ხელისუფლების წარმომადგენლებთან ერთად, მოინახულა ადგილობრივი მოსახლის მიერ მოწყობილი ეთნოგრაფიული საგამოფენო სივრცე, ღვინის მარანი, დაათვალიერა მხარისთვის დამახასიათებელი ხელსაქმისა და კუთხური სამოსის ნიმუშები.