ფილიპინების პრეზიდენტი როდრიგო დუტერტე მძაფრი კრიტიკის საგნად იქცა მისი ჯარისკაცებისადმი მიმართვისას გაუპატიურებაზე წარმოთქმული ხუმრობის გამო.

როგორც BBC იუწყება, ქვეყნის სამხრეთით სამხედრო მდგომარეობის დაწესების შემდეგ, სამხედრო ბანაკში საუბრისას მან თქვა, რომ ჯარისკაცებს სამი ქალის გაუპატიურების უფლება ჰქონდათ.

ადამიანის უფლებების დაცვის ჯგუფმა განაცხადა, რომ მისი კომენტარი „საზიზღარი“ იყო, ხოლო ბილ და ჰილარი კლინტონების ქალიშვილმა ჩელსიმ „თვითერზე“ დაწერა, რომ „გაუპატიურება არასოდეს ყოფილა სასაცილო“.

დუტერტემ სამხედროებს უთხრა: „მე თქვენი გულისთვის ციხეში ჩავჯდები. თუ თქვენ გააუპატიურებთ სამ (ქალს), ვიტყვი, რომ ეს მე გავაკეთე. მაგრამ თუ თქვენ ცოლად მოიყვანთ ოთხს, მეძავს, თქვენ დაიბეგვებით“.