კამპანია „მამის მეგობრისგან“ გრძელდება. თავდაცვის მინისტრმა საქართველოს ტერიტორიული მთლიანობისათვის ბრძოლებში, საერთაშორისო სამშვიდობო მისიებსა და სამსახურებრივი მოვალეობის დროს დაღუპული ჯარისკაცების შვილებს ამჯერად გასართობ ცენტრ „ისთ ფოინთში“ უმასპინძლა.
ღონისძიებას სამხედრო მოსამსახურეებიც დაესწრნენ. მინისტრმა პატარებს ბავშვთა დაცვის საერთაშორისო დღე მიულოცა, წარმატებები უსურვა და დაღუპულთა ოჯახებს მხარდაჭერა აღუთქვა.
14 წლამდე ასაკის ბავშვებსა და მოზარდებს გასართობი ცენტრის, „ფოკუს მოკუსის“ წარმომადგენლებმა მრავალფეროვანი პროგრამა, ინტელექტუალური და სახალისო თამაში შესთავაზეს. ბავშვებს სხვადასხვა აქტივობაში მონაწილეობისა და ატრაქციონებით სარგებლობის შესაძლებლობა მიეცათ. მოგვიანებით, სტუმრებმა რესტორან „ლებოვსკის“ მენიუ დააგემოვნეს, ჯარისკაცების შვილებს სიმბოლური საჩუქრებიც გადაეცათ. პროექტის „მამის მეგობრისგან“ ფორმატში ლევან იზორია გმირულად დაღუპული სამხედრო მოსამსახურეების შვილებს საახალწლო ღონისძიებაზეც შეხვდა. დაღუპული და დაშავებული სამხედრო მოსამსახურეების ოჯახების მხარდაჭერა და მათზე ზრუნვა თავდაცვის უწყების ერთ-ერთ პრიორიტეტს წარმოადგენს.
ინფორმაციას თავდაცვის სამინისტრო ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.